02.02.2007
«Avtomobil nəqliyyatı ilə (taksi istisna olmaqla) Bakı şəhərində şəhərdaxili və şəhərətrafı, həmçinin Bakı-Sumqayıt (Sumqayıt-Bakı) marşrutu üzrə sərnişin daşıma xidmətinin tariflərinə baxılması barədə» 2007-ci il 06 yanvar tarixli qərarına əlavə və dəyişiklik edilməsinə dair
QƏRAR № 7
Azərbaycan Respublikası Prezidentinin «Azərbaycan Respublikasının Tarif (qiymət) Şurası haqqında Əsasnamənin təsdiq edilməsi barədə» 2005-ci il 26 dekabr tarixli 341 saylı Fərmanına, Azərbaycan Respublikası Nazirlər Kabinetinin 2005-ci il 30 dekabr tarixli 247 saylı qərarı ilə təsdiq edilmiş «Dövlət tənzimlənməsi tətbiq olunan tariflərin (qiymətlərin) formalaşması və tətbiqi üzərində dövlət nəzarətinin təmin edilməsi Qaydaları»na və Azərbaycan Respublikası Tarif (qiymət) Şurasının 2007-ci il 02 fevral tarixli iclasının protokoluna əsasən QƏRARA ALIR:
I.«Avtomobil nəqliyyatı ilə (taksi istisna olmaqla) Bakı şəhərində şəhərdaxili və şəhərətrafı, həmçinin Bakı-Sumqayıt (Sumqayıt-Bakı) marşrutu üzrə sərnişin daşıma xidmətinin tariflərinə baxılması barədə» 2007-ci il 06 yanvar tarixli qərarının 1-ci bəndin cədvəl hissəsində aşağıdakı dəyişikliklər edilsin:
Şəhərətrafı və qəsəbələrarası marşrutlar hissəsində 1-40 km-dək bölgüsündən sonra 1-45 km-dək - 50 qəpik (marşrutlar 87; 155; 36; 46; 101), 1-50 km-dək – 70 qəpik (marşrutlar 50; 50T), 50 km-dən yuxarı 80 qəpik (marşrutlar 105; 105T; 115 ) bölgüsüvə qiymətləri əlavə olunsun. 1-25 km-dək bölgüdə olan 160 və 243 nömrəli marşrutlar 1-30 km-dək olan qrupa, 1-40 km-dək bölgüdə olan 46 və 36 nömrəli marşrutlar 1-50 km-dək olan bölgüyə keçirilsin.
II.Qərarın 3-cü bədindən əvvəl aşağıdakı redaksiyada yeni 3-cü və 4-cü yeni bəndlər əlavə edilərək növbəti bəndlərin sıralanması müvafiq olaraq dəyişdirilsin:
3. Respublikanın şəhər, rayon mərkəzlərində (Bakı şəhəri istisna olmaqla) fəaliyyət göstərən şəhərdaxili, şəhərətrafı və qəsəbələrarası marşrutlarda sərnişin daşıma xidmətlərinin aşağıda göstərilən yuxarı hədd qiymətləri təsdiq edilsin.
|
|
| ||||||
|
|
|
|
|
|
| ||
|
|
|
|
|
|
|
|
4.Şəhərlərarası daşımaların 1 km məsafəsi üçün gediş haqqı bərk və yumşaq oturacaqlı marşrutlar üzrə uyğun olaraq yuxarı hədd qiyməti 1,5 və 1,6 qəpik səviyyəsində müəyyən edilsin.
III. Bu qərar 2007-ci il 12 fevral tarixindən qüvvəyə minir.
Azərbaycan Respublikası
Tarif (qiymət) Şurasının sədri H. Babayev
QƏRARA EDİLMİŞ DƏYİŞİKLİK VƏ ƏLAVƏLƏRİN SİYAHISI
1. 26 aprel 2013-cü il tarixli 1 nömrəli Azərbaycan Respublikası Tarif (qiymət) Şurasının qərarı